Türkmen samboçysy Sanjarbek Awazberdiýew Özbegistanyň Daşkent şäherinde geçirilen sambo boýunça 50-nji dünýä çempionatynda altyn medal gazandy. Türkmenistanly türgen söweş sambosy (64 kg) agram derejesinde hormat münberiniň iň ýokary basgançagyny eýeledi.
Dünýä şöhratyna barýan ýolda türkmen samboçysy bäş gezek ynamly göreşdi, garşydaşlaryndan doly artykmaçlygyny görkezdi we ýaryşyň dowamynda diňe bir utuk ýitirdi.
Finalda Sanjarbek belarusly Jauhen Mihno üçin hiç hili mümkinçilik galdyrmady we duşuşygy 8-0 hasabynda ýeňdi.
Sanjarbek Awazberdiýewiň altyn medala barýan ýoly:
1/16 final: Lenin Guerra (Ekwador) – 6: 0
1/8 final: Ian Raskin (Ukraina) – 9: 0
1/4 final: Abdelmunim Farouhi (Marokko) – 8: 0
1/2 final: Mais Nersesýan (Ermenistan) – 8: 1
Jemleýji: Jauchen Mihno (Belarus) – 8: 0