Gazagystan Respublikasynyň prezidenti Kasym-Žomart Tokaýew iş sapary bilen Türkmenistana geldi. Bu barada “Akorda” habar berýär.
Howa menzilinde Gazagystanyň Prezidentini Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow garşylady.
Kasym-Žomart Tokaýew Türkmenistanyň Prezidenti Serdar Berdimuhamedowyň çakylygy boýunça “Awaza” milli syýahatçylyk zolagynda saparda bolýar. Saparyň çäklerinde Döwlet Baştutanynyň Merkezi Aziýa döwletleriniň we Azerbaýjanyň döwlet Baştutanlarynyň 8-nji Konsultatiw duşuşygyna, GDA döwlet Baştutanlarynyň Geňeşiniň mejlisine hem-de Hazar deňziniň ekologik sammitine gatnaşmagy meýilleşdirilýär.
Mundan ozal, Gazagystan bilen Türkmenistanyň ykdysady hyzmatdaşlygy giňeltmek barada ylalaşandyklaryny habar beripdi. Iýun aýynda taraplar ykdysady, ylmy-tehniki we medeni hyzmatdaşlyk boýunça hökümetara toparynyň çäklerinde hyzmatdaşlygyň häzirki ýagdaýyny we geljekki ugurlaryny ara alyp maslahatlaşdylar.
Şeýle hem Türkmenistanyň Prezidenti Serdar Berdimuhamedowyň 2025-nji ýylyň noýabrynda Gazagystana amala aşyran döwlet saparynyň netijeleri boýunça taraplar birnäçe hökümetara we pudagara resminamalara gol çekdiler.