Saud Arabistanynyň “Al-Nasr” toparynda çykyş edýän portugaliýaly hüjümçi Kristiano Ronaldo “Forbes” žurnalynyň görkezijilerine görä dünýäniň iň ýokary hak tölenilýän türgenleriniň sanawynda birinji ýeri eýeledi. Bu reýting neşiriň resmi saýtynda çap edildi.
“Forbes”-uň maglumatlaryna görä, Ronaldonyň bir ýyllyk umumy girdejisi 300 million ABŞ dollaryna ýetdi we bu görkeziji reýtingiň bütin taryhynda rekord dereje boldy. Ikinji ýeri 170 million dollar girdeji bilen meksikaly boksçy Saul Alwares eýeledi. Üçünji ýere bolsa 140 million dollar gazanan Amerikanyň “Inter Maýami” klubunyň hüjümçisi Lionel Messi ýerleşdi.
Ronaldo 41 ýaşynda bolup, 2022-nji ýylyň dekabryndan bäri “Al-Nasr” toparynda oýnaýar. Ol öz karýerasynyň dowamynda Portugaliýanyň “Sporting”, Angliýanyň “Mançester Ýunaýted”, Italiýanyň “Ýuwentus” we Ispaniýanyň “Real Madrid” ýaly meşhur klublarynda hem çykyş edipdi.
Ronaldo şu ýyl ilkinji gezek Saud Arabystanyda çempion bolmak bagtyna eýe boldy.