ABŞ-nyň Prezidenti Donald Tramp döwlet baştutany wezipesinde ilkinji telefon söhbetdeşligini Saud Arabystanynyň mirasdüşer şazadasy Muhammed bin Salman bilen geçirdi.
Mirasdüşer şazada Doland Trampyň ak Tama gaýdyp gelenden soňra telefon söhbetdeşligini geçiren ilkinji daşary ýurtly lider boldy.
Saud Arabystanynyň metbugat gullugynyň habar bermegine görä, mirasdüşer şazada Patyşalygyň Amerikada maýa goýumlaryny we söwda gatnaşyklaryny giňeltmegi maksat edinýändigini belledi. Geljek 4 ýylda 600 milliard dolalrlyk maýa goýumlaryň özleşdirilmegi göz öňünde tutulýar.
Şeýle hem iki ýurduň liderleri Ýakyn Gündogarda parahatçylygyň, durnuklylygyň hem-de howpsuzlygyň üpjün edilmegi babatdaky meseleler boýunça pikir alyşdylar.