Angliýanyň “Mançester Siti” toparynyň norwegiýaly hüjümçisi Erling Holandyň transfer bahasy 180-den 200 million ýewro çenli ýokarlandy.
“Transfermarkt” portalynyň habaryna görä, dünýäniň öňdebaryjy futbolçylarynyň transfer bahalaryna täzeden seredildi.
Mundan ozal, 24 ýaşyndaky Holand “Real Madrid” toparynyň üç futbolçysy – iňlis Jude Bellingem, brazil Winisius Junior we fransuz Kilian Mbappe bilen bilelikde birinji orny eýeleýärdi.
Şeýle-de bolsa, reýtingiň täzelenen sanawynda Norwegiýanyň futbolçysynyň transfer bahasy ýokarlandy we ony dünýäniň iň gymmat oýunçysy etdi.