ARKADAG ŞÄHERI – YLHAM
Ýaşlar watanyň daýanjy
Asman Zemin arasynda,
Gökde Günüň parasynda,
Gahrymanlaň saýasynda,
“Ýaşlar Watanyň daýanjy”.
Arkdagdan arkalydyr,
Pederlere sarpalydyr,
Ykballara hormat, gadyr,
“Ýaşlar Watanyň daýanjy”.
Üstünligi, şany bilen,
Halky jiger-jany bilen,
Oguzlaryň ýoly bilen,
“Ýaşlar Watanyň daýanjy”.
Ykballary gülüp bakan,
Bije utup, aty çykan,
Nesibi şu bagta çeken,
“Ýaşlar Watanyň daýanjy”.
Lukman, Milli Lider ýaly,
Beýik maksatda hyýaly,
Diňe öňe saýlan ýoly,
“Ýaşlar Watanyň daýanjy”.
Hak-hukugy, goragy bar,
Ylym, zehin, soragy bar,
Ýurdy, dagy-diregi bar,
“Ýaşlar Watanyň daýanjy”.
Kosmos, sport, sungat, ylym,
Beýiklerden nusga alyň,
Buýsanýandyr türkmen ilim,
“Ýaşlar Watanyň daýanjy”.
Esger kimin durup sap-sap,
Beýgelýändir etap-etap,
Perezidentden peşgeş kitap,
“Ýaşlar Watanyň daýanjy”.
Gülşirin HANOWA,
Türkmenistanyň Prezidentiniň ýanyndaky
Döwlet gullugy akademiýasynyň mugallymy.