Şu günler Garaşsyz Döwletleriň Arkalaşygynyň (GDA) hökümet baştutanlarynyň Geňeşiniň nobatdan daşary mejlisi Russiýanyň paýtagty Moskowa şäherinde geçirilýär. Oňa Türkmenistanyň Ministrler Kabinetiniň Başlygynyň orunbasary Hojamyrat Geldimyradow gatnaşýar.
Russiýanyň Hökümetiniň Başlygy Mihail Mişustiniň ýolbaşçylyk etmeginde geçirilen mejlise Azerbaýjanyň Premýer-ministri Ali Asadow, Belarusyň Premýer ministri Premýer-ministriAleksandr Golowçenko, Gazagystanyň Premýer-ministri Alihan Smailow, Täjigistanyň Premýer-ministri Kohir Rasulzoda, Gyrgyz Respublikasynyň Ministrler Kabinetiniň Başlygy Akylbek Žaparow, Özbegistanyň Premýer-ministri Abdulla Aripow gatnaşýar.
Mihail Mişustin we GDA-nyň hökümet baştutanlary Moskwa şäherinde dowam edýän “Russiýa” sergisine baryp gördüler.
Bu ýerde Russiýanyň halk hojalygynyň dürli pudaklary bilen bir hatarda ýurduň dürli sebitleri hem öz önümlerini görkezýärler. GDA-nyň hökümet baştutanlary Russiýanyň Swerdlowsk, Sankt-Peterburg, Leningrad oblastlarynyň sergi diwarlyklaryny aýlanyp gördüler.
Moskwa şäherinde geçirilen GDA-nyň hökümet baştutanlarynyň nobatdan daşary mejlisinde Russiýanyň Prezidenti Wladimir Putin wideoýüzlenme bilen çykyş etdi.
Wladimir Putin 2024-nji ýylyň 1-nji ýanwaryndan GDA başlyklyk etmegiň Russiýa geçýändigini belläp, dürli ugurlar boýunça, hususan-da sungat, ylym-bilim we beýleki ugurlarda giň gerimli çäreleriň geçiriljekdigini belledi.
Putin kino, aýdym-saz hem-de telewideniýe ugurlarda hyzmatdaşlygy ösdürmegiň möhümdigini belläp, birnäçe teklipleri ozaldan öňe sürendiklerini ýatlatdy. Wladimir Putin kino sungaty boýunça Ýewraziýa akademiýasyny döretmek, Ýewraziýa kino baýragyny döretmek, aýdym-saz festiwalyny dikeltmek ýaly ugurlaryň ösdürilmegine aýratyn üsn beriljekdigini belledi.