Eýranyň daşary işler ministri Hoseýn Amir Abdollahiýan Hazarýaka döwletleriň daşary işler ministrleriniň duşuşygyna gatnaşmak üçin Russiýada saparda bolar. Bu barada ýurduň daşary syýasat edarasynyň resmi wekili Naser Kanani Çafi habar berdi.
– Eýranyň daşary işler ministri Russiýada saparda bolup, Hazarýaka döwletleriň daşary syýasat edaralarynyň ýolbaşçylarynyň duuşygyna gatnaşar – diýlip, bellenilýär.
Mälim bolşy ýaly, 29-njy noýabrda Russiýanyň daşary syýasat edarasynyň resmi wekili Mariýa Zaharowa 5-nji dekabrda Hazarýaka döwletleriň daşary işler ministrleriniň duşuşygynyň geçiriljekdigini mälim edipdi. Duşuşyga Azerbaýjanyň, Eýranyň, Gazagystanyň we Türkmenistanyň daşary işler ministrleri çagyryldy.