“Collins” sözlügi 2023-nji ýylyň sözüni saýlady. Ol hem gysgaltma hökmünde “AI”, ýagny emeli aň sözi saýlanyp alyndy.
– Şu ýylyň merkezinde emeli aň boldy. Onuň ösüş we biziň durmuşymyza aralaşmak depgini köpleri gyzyklandyrdy. Ol häzirki wagtda gündelik tehnologiýa öwrülýär – diýip, “Collins” sözlügi dolandyryjy direktory Aleks Bikroft habar berdi.
Sözlügi düzüjileriň habar bermegine görä, ýylyň sözi 20 milliarddan gowrak söz gory bolan “Collins Corpus”-yň maglumat gorunyň seljerilmeginiň netijesinde belli boldy. Olar tutuş dünýädäki saýtlarda, gazetlerde, žurnllarda, kitaplarda, şeýle hem radiolarda, teleýaýlymlarda we gündelik gepleşiklerde sarp edilýän maglumatlary seljerdiler.