Gyrgyz Respublikasy hem özüniň “akylly” hem-de ekologiýa taýdan arassa şäherini gurmagy meýilleşdirýär. Munuň üçin ýurduň esasy syýahatçylyk merkezi bolan Yssyk-Kul welaýatynda meşhur gölüň kenarynda “Asman” atly täze şäheriň düýbi tutuldy.
Bu şäheriň düýbüniň tutulyş dabarasyna Gyrgyz Respublikasynyň Prezidenti Sadyr Žaparow, Türkiýeden, Hindistandan, BAE-den, Katardan geen maýadarlar gatnaşdy.
Geçirilen dabarada maýadarlar özleriniň taslamalaryny tanyşdyrdy. Dabara gatnaşan kompaniýalaryň eko-şäherer, sanly seagat, syýahatçylyk, iri howa menzilleriniň, myhmanhanalaryň, golf-kulblaryň, seýilgähleriň, muzeýleriň, kino senagatynyň gurluşygy boýunça ýöriteleşen kompaniýalaryň wekilleridir.
Asman şäheri 4 bölege bölünip, bu ýerde “akylly”, täjirçilik, sport we güýmenje bölekleri bolar. 500-700 müň adama niýetlenen bu şäheri 7-10 ýylda gurmak meýilleşdirilýär. Bu şäheriň Saud Arabystanydaky Neom, Emirliklerdäki Masdar-Siti, Şwesiýadaky Günbatara gawan hem-de Hytaýdaky Gün jülgesi ýaly iri şähergurluşyk taslamalaryna meňzeş bolmagyna garaşylýar.
Dabarada çykyş eden Gyrgyz Respublikasynyň Prezidenti Sadyr Žaparow bu taslamanyň garaşsyz Gyrgyzystanyň syýahatçylyk hem-de maýa goýum mümkinçiliklerini ösdürmäge gönükdirilendigini belledi.