Belarus Respublikasynyň sport we syýahatçylyk ministri Sergeý Kowalçuk Türkmenistanda saparda boldy. Ol saparynyň çäklerinde Türkmenistanyň Bedenterbiýe we sport baradaky döwlet komitetiniň başlygy Gulmurat Agamyradow bilen duşuşdy. Duşuşykda iki ýurduň arasynda sport ulgamyndaky hyzmatdaşlyk barada pikir alşyldy.
Belarusyň wekiliýeti Sportuň gyşky görnüşleri boýunça sport toplumyna baryp gördi we bu döwrebap desganyň infrastrukturasy bilen tanyşdy. Şeýle hem Türkmenistanyň hokkeý boýunça milli ýygyndysynyň görkezme duşuşygyna tomaşa etdiler.
Gepleşikleriň barşynda sportuň dürli görnüşleri boýunça hyzmatdaşlygy ösdürmek, sport türgenlerini taýýarlamak boýunça tejribe alyşmak, Belarusyň sport desgalarynda okuw-türgenleşik tälimlerini geçirmek barada pikir alyşdylar.
Sportuň hokkeý ugry boýunça hem özara maslahatlaşmalar geçirildi. Belarusyň ministri türken toparlayrny Minsk şäherine okuw-türgenleşik tälimlerini geçmäge çagyrdy. Şeýle hem myhman türkmen hokkeýiniň ösüşine ýokary baha berdi.