Şu gün «Awaza — 2023» atly halkara tans we folklor festiwaly öz işine başlady. Festiwala Türkmenistanyň, Russiýanyň, Rumyniýanyň, Hindistanyň, Gazagystanyň, Täjigistanyň, Özbegistanyň, Hytaýyň hem-de Eýranyň tans toparlary gatnaşýarlar.
Has dogrusy, halkara festiwala ýurdumyzyň birnäçe tans we folklor toparlary bilen birlikde Russiýanyň Garri Polewoý adyndaky «Ogonki» rus tans topary, Gazagystanyň «Jorga» we «Aktau sazy» halk folklor toparlary, Täjigistanyň «Lola» tans we folklor topary, Rumyniýanyň «Transilwaniýa» folklor topary, RF-niň Tatarystan Respublikasynyň «Riwaýat», Eýranyň «Zendegi Mäzandaran» tans we aýdym-saz topary, Hindistanyň «Bihu» folklor we tans topary, Hytaýyň Sinhaý welaýatynyň medeniýet, sungat we syýahatçylyk mekdebiniň tans topary, Özbegistanyň «Parwoz» hem-de «Bogdon» halk aýdym we tans toparlary gatnaşýarlar.
Ozal habar berşimiz ýaly, medeni çäräniň gün tertibine «Folklor döredijiliginiň we halk tansynyň dessurlary» atly halkara ylmy-amaly maslahat, festiwala gatnaşýan türkmenistanly hem-de daşary ýurtly tans we folklor toparlarynyň konserti, halkara festiwala gatnaşyjylaryň «Awaza» milli syýahatçylyk zolagy bilen tanyşdyrylmagy hem-de «Awaza» derýasynda gämili gezelenç etmekleri, daşary ýurtly tans goýujylaryň türkmen kärdeşleri bilen döredijilik duşuşygy we ussatlyk sapaklary girizilipdir.
Festiwal 17-nji iýuna çenli dowam eder.