2024-nji ýyla çenli satyljak smartfonlar, planşetler we kameralar ýaly ähli elektron enjamlarda USB-C zarýad beriş portlaryny ulanmagy hökmany etjek düzgüniň soňky tassyklamany berdiler.
Ýewropa Bileleşigi (ÝB) USB-C, Micro USB we ýyldyrym ýaly dürli elektron enjamlarynyň zarýad beriş girişlerini standartlaşdyrmagy we elektroniki galyndylary azaltmagy maksat edinýän bu düzgüniň agza döwletler tarapyndan tassyklanandygyny habar berdi.
Makullanan düzgüne görä, göçme elektron enjamlarynda täze standart zarýad beriş porty USB-C bolar.
2024-nji ýylyň ahyryna çenli ähli täze smartfonlar, planşetler, sanly kameralar, nauşnikler, göçme wideo oýun konsollary, gürleýjiler we klawiaturalar hökmany suratda USB-C zarýad beriş portlaryna eýe bolar. Şeýlelik-de, dürli elektron enjamlarynda ýekeje zarýad beriji ulanylyp bilner. Täze enjam satyn almak üçin kabelleri we zarýad berijileri satyn almaga zerurlyk bolmaz.
Häzirki wagtda «Android» enjamlarynyň köpüsine USB-C porty arkaly zarýad berilýär. Nauşnikli we başga-da dürli esbaply täze noutbuklar hem şol zarýad berijilerden peýdalanýarlar.
«Apple» öz smartfonlarynda, käbir planşetlerde we nauşniklerde ýyldyrym diýilýän başga bir giriş ulanýar. Kompaniýa täze öndürjek «iPad» we noutbuklarynda USB-C girişini ulanmagy makul bilýär.
Atagurban HOJAGURBANOW,
Türkmenistanyň Telekommunikasiýalar we Informatika institutynyň 3-nji ýyl talyby.