BIZNES

Bill Geýts baýlygyny bagyş eder

Milliarder işewür Bill Geýts baýlygyny bagyş etjekdigini belledi we munuň netijesinde dünýäniň baýlarynyň sanawynda yzky orunlara düşjekdigini mälim etdi.

“Microsoft” kompaniýasynyň esaslandyryjy Bill Geýts, öňki aýaly Melinda Geýts bilen esaslandyran gaznasyna 20 milliard dollar berjekdigini habar berdi.

Geýts dünýäniň iň baý adamlarynyň sanawynda dördünji orunda durýar. Ol 2010-njy ýylda baýlygyndan bir bölegini haýyr-sahawat gaznasyna bölüp berjekdigini belläpdi. Şondan bäri onuň baýlygy 2 esse artdy.

“Forbes” žurnalynyň habaryna görä, Geýtsiň baýlygy 118 milliard dollar.

“Bill & Melinda Gates” gaznasy pandemiýa we howanyň üýtgemegi ýaly soňky global meseleler sebäpli gaznanyň çykdajylaryny 2026-njy ýyla çenli her ýylda 6 milliard dollardan 9 milliard dollara çenli ýokarlandyrjakdygyny aýtdy.

“Bill & Melinda Geýts” gaznasy gyzzyrma ýaly keselleri ýok etmek, bilimi gowulaşdyrmak we saglyk ýagdaýyny gowulandyrmak üçin göreşmek üçin dürli ýurtlarda iş alyp barýar.

Bu gazna 2020-nji ýylda 49,8 milliard dollarlyk maliýe serişdeleri bilen dünýäde ikinji orunda durýar.

 

Türkmenistanyň Prezidenti Özbegistanyň Senatynyň Başlygy bilen duşuşdy

 

Related posts

Türkmenistanda 2030-njy ýyla çenli maliýe bazaryny ösdürmegiň Strategiýasy tassyklanyldy

2023-nji ýylyň 4 — 6-njy aprelinde Ýurdumyzyň Söwda toplumynyň Sergisi geçirilýär

Ata Watan Eserleri

Türkmenistanyň döwlet ministri Eýranyň Milli gaz kompaniýasynyň ýolbaşçysy bilen duşuşdy