Gerekli önümler:
250 gr ysmanak
2 sany orta ululykda käşir
3-4 nahar çemçesi zeýtun ýagy
4 nahar çemçesi süzme ýa-da gatyk
1 bölek sarymsak
1 çaý çemçesi duz
Üsti üçin gerekli önümler:
2-3 nahar çemçesi zeýtun ýagy
2 çaý çemçesi ownuk gyzyl burç
1 käse ezilen hoz
Taýýarlanylyşy:
Işdäaçarymyzy taýýarlamak üçin ilki bilen käşirlerimizi arassalap gyrgyçdan geçireliň. Soňra ysmanaklarymyzy arassalap biraz ulurak görnüşde dograşdyralyň. Soň bolsa, peçiň üstüne alan gazanymyza zeýtun ýagyny guýup, üstüne gyrgyçdan geçirilen käşir goşup, duzlamaly. Biraz gowrulan käşirimiziň üstüne ysmanaklary goşup garyşdyralyň. Geliň, oňa ýene duz goşup, 1-2 minut bişireliň we peçden çykaryp sowamaga goýalyň.
Çuň gaba gatyk ýa-da süzme alyň we üstüne ezilen sarymsagy goşuň, soň bolsa gowy edip garyşdyrmaly. Üstüne sowan ysmanak we käşirlerimizi goşup gowy garyşdyrýarys. Taýynlan işdäaçarymyzy bir gaba salmaly. Üsti üçin gyzgyn gazana gyzyl burç, hoz, zeýtun ýagyny goşup garyşdyralyň we işdäaçarymyzyň üstüne guýalyň.
Işdäaçarymyz taýýar, işdäňiz açyk bolsun!