Koronawirus ýokanjynyň “omikron” görnüşi Eýranda hem peýda boldy. Bu barada ýurduň Saglygy goraýyş edarasynyň ýolbaşçysynyň orunbasary Kamal Heýdari habar berdi.
– Günorta Afrika Respublikasynda ýüze çykan “omikron” görnüşi 3 hepdeden soňra Eýranda hem peýda boldy – diýlip, Eýranyň “IRNA” habarlar gullugy mälim etdi. Ministriň orunbasarynyň bellemegine görä, Birleşen Arap Emirliklerinden Tährana gelen orta ýaşdaky erkek adamda wirusyň bu görnüşi ýüze çykdy.
26-njy noýabrda Bütindünýä Saglygy Goraýyş Guramasy Afrikanyň günortasynda grek harpy bilen “omikron” diýlip atlandyrylan koronawirusyň bu görnüşi çalt depginde ýaýraýar. BSGG-niň beýannamasynda wirusyň bu görnüşiniň köp sanly mutasiýa geçýändigi we olaryň adamlary alada goýýandygy bellenildi.
“Omikron” görnüşiniň global merkezi Günorta Afrikadyr. Oňa ýokaşanlaryň iň köp möçberi Günorta Afrikada ýüze çykaryldy. BSGG-niň maglumatlaryna görä, koronawirusyň “omikron” ştammy şu wagta çenli dünýäniň 89 ýurdunda tapyldy.