2021-nji ýylyň “Älem gözelini” saýlamak bäsleşigi tamamlandy. Ol Ysraýylyň Eýlat şäherinde geçirildi. Bu bäsleşikde iň köp utuk toplan Hindistanyň wekili Harnaz Sandhu “Älem gözeli” hökmünde saýlandy.
Bäsleşigiň final tapgyryna 10 gatnaşyjy saýlandy. Olaryň 5-si bolsa emin agzalaryň sowallaryna jogap bermek tapgyryna gatnaşmak hukugyna eýe boldy.
Şondan soňra Hindistanyň, Paragwaýyň hem-de GAR-yň wekilleri gysgaça çykyş etmek mümkinçiligine eýe boldy. Gatnaşyjylara häzirki zamanyň şertlerinde käbir kynçylyklara sezewar bolýan gyzlara maslahat bermek teklip edildi.
“Älem gözeli” bäsleşiginiň ýeňijisi ýaşlara özlerine ynanmagy, özlerini başgalar bilen deňeşdirmezligi hem-de dünýäde bolup geçýän wakalar barada oýlanmaklaryny maslahat berdi.
Bu bäsleşige 80 ýurtdan dalaşgär gatnaşdy.