“Berzeňňi” şypahanasy

KARDIOLOGIỲA YLMY-KLINIKI MERKEZLI HASSAHANANYŇ “BERZEŇŇI” YLMY-ŞYPAHANA BÖLÜMINIŇ SALGYLARY

 744013, Тürkmenistan, Aşgabat ş., Berzeňňi şäherçesiniň 1923-nji köçesi, 1-nji jaýy

Iş telefonlary:  (+99312) 48-89-54;  (+99312) 48-89-31

 Tel/Fax: (+99312) 36-92-89

 Elektron salgysy:  kardiomerkez@online.tm

       Kardiologiỳa ylmy-kliniki merkezli hassahananyň “Berzeňňi” ylmy-şypahana bölümi 2012 ýylyň martyndan bäri  halka hyzmat edýär. Mineral suw nerw ulgamynyň funksional bozulmalarynda, daýanç-hereket ulgamyň kesellerinde, ýürek-damar keselleriniň başlangyç döwründe, iýmit siňdiriş ulgamynda we beýlekilerde giňden  üstünlikli  ulanylýar.

      Şypahananyň esasy tebigy bejeriş serişdesi az minerallaşan, subtermal gyzgynly,  pes aşgarly,  kükürtwodorod, azot gazy bilen doýgunly, mineral suw bolup, köp keselleri, şol sanda, dowamly kolitleri bejermekde we öňüni almakda tutýan orny uludyr. Dowamly kolitli näsaglarda gidrokolonoterapiýa eminiň ulanylmagy näsaglaryň umumy ýagdaýlarynyň gowulaşmagyna, agyrynyň, iç gatamanyň, garnyň töweregindäki oňaýsyz duýgularyň we içegäniň jugurdylarynyň azalmagyna getirýär.

      Suw içilende içegeleriñ peristaltikasyny, aşgazan-içege ýollarynyň suwuklyk çykaryjylyk işjeňligini ýokarlandyrýar we ödüñ himizimini gowulandyrýar. Magniý bilen sulfatyň  birikmesi iç ýumşadyjy we  peşew çykaryjy ýollarynyň gaýnaglama alamatlaryny peseldýär. Magniý, natriý, kaliý we beýlekiler peşew ýollarynyň ýylmanak muskullaryny işjeňleşdirýär, böwrekleriň  we peşew ýollarynyň hereketini  ýokarlandyrýar, urodinamikany gowulandyryp, peşew çykaryjy ýollardan peşew bilen mikroplaryň, nemiň çykmasyny şertlendirýär we birnäçe kristallary eredýär. Kremniý turşusy – gaýnaglama garşy, hem-de peşew çykaryjylyk  häsiýeti bilen ionlaryň täsirini güýçlendirýär. Az mukdardaky  kükürtwodorod – peşewiň  çykmasyny  we hereketini çaltlandyrýar, bakteriosid täsiri bar. Azodyñ bolmagy suwa sedatiw häsiýeti berýar. Ýüzleý myşsalarda spazmolitik täsir döredýär.

      Suw wanna görnüşinde kabul edilende näsagyñ deri örtüginiň  köp sanly düwmejikler bilen örtülmegi, suwda gazyñ bardygyny aýdyñ görkezýär. Şol bir wagtda deriniñ üsti bilen geçmekden başgada näsagyň  em döwründe gaz gatyşykly dem almagy öýkeniñ we ganyñ üsti bilen bejeriş täsirini güýçlendirýär. Kükürtwodorodly we azotly birleşmeleriň az möçberde agyry aýryjy, nerw ulgamyny rahatlandyryjy we  mikroaýlanyşygy gowulandyryjy  täsirleri bardyr.

       Mineral suwunyñ düzümine we täsir ediş mehanizmine seredip, onyñ giñ kliniki gerimini göz öñünde tutup bolar. Häzirki wagtda, kliniki barlaglaryň esasynda keselleri bejermekde görkezmeler we garşy görkezmeler işlenip düzüldi.  “Berzeňňi” mineral suwy bilen balneoterapiýa geçirilende ganda glýukozanyň peselýändigi, aýratynam biohimiki görkezijileriň tapawutly üýtgeýändigi, ýagny ganyň koagulogrammasynyň, holesteriniň kadalaşýandygy  belli edildi. Neýropatiýalarda, şol sanda diabetiki neýropatiýada, çetki mikrosirkulýasiýanyň gowulanýandygy barada maglumatlar bar. Suw içmekligiň bagryň we öt çykaryjy ýollarynyň, umuman aşgazan-içege ýollaryň kesellerinde oňaýly täsiri anyklanyldy.

       Şeýlelikde, “Berzeňňi” şypahananyň mineral suwy giñ terapewtik mümkinçiliklere eýe bolmak bilen ony ýokanç däl keselleri bejermekde we öñüni almakda ähmiýetli bejeriş serişde hökmünde giňden ulanyp bolar.

“Berzeňňi” ylmy-şypahana bölüminde ilata edillýän

hyzmatlaryň görnüşleri:

1. Iňňerefleksobejergi
2. Ýürek damar ulgamynyň kesellerinde bejeriş bedenterbiýe
3. Gidrokolonoterapiýa
4. Içegäni mineral suw bilen arassalamak
5. Umumy kükürtli we duzly wanna
6. Mineral suwly wanna
7. Hromobejergili wanna
8. Aýaklar we eller üçin kontrast wanna
9. Şarko duşy
10. Aşakdan ýokary galýan duşy
11. Aýlowly duşy
12. Gidromassaz (suw asty owkalama)
13. Derman ösümliklerden wanna
14. Deňiz duzly wanna
15. Ozokerit bilen bejergi
16. Parafin bilen bejergi
17. Parafin bilen bejergi-ellere
18. Parafin bilen bejergi-aýaklara
19. Parafin bilen bejergi-arka
20. Parafin bilen bejergi-bile
21. Parafin bilen bejergi-gasyga
22. Parafin bilen bejergi-garnyna
23. Parafin bilen bejergi-ýanbaşa
24. Parafin bilen bejergi-satanara
25. Parafin bilen bejergi-boýunýaka
26. Kükürtli suw bilen öt arassalamak (týubaz)
27. Bedene sellýulite garşy toplum
28. Mikroklizma
29. Klizma (bejeriji,arassalaýjy)
30. Sifon klizma
31. Ognew boýunça klizma
32. Nazogastral zond bilen aşgazany ýuwmak
33. Orogastral zond bilen aşgazany ýuwmak
34. Aşgazany zondirlemek
35. Ingolýasiýa
36. Lazer bilen bejergi
37. Infragyzyl şöhli bilen bejergi
38. Elektroforez
39. Wibrowakum bejergi
40. Ultrases bejergi
41. Derman serişdelerini ulanmak bilen ultrafonoforez (UZT)
42. Ýokary ýygylykly magnit bejergi
43. Mikrotolkunly bejergi (GT)
44. Has ýokary ýygylykly bejergi (LUÇ)
45. Darsanwal bilen bejergi
46. Amplipuls bejergi
47. Kellani owkalamak
48. Oňurganyň boýun bölümini owkalamak
49. Oňurganyň döş bölümini owkalamak
50. Oňurganyň bil bölümini owkalamak
51. Döş kapasasyny owkalamak
52. Yokarky ahyry (el) owkalamak
53. Penje we goşary owkalamak
54. Bilek-penje bognuny owkalamak
55. Egin bognuny owkalamak
56. Garny owkalamak
57. Oňurgany owkalamak
58. Aşaky ahyry (aýak) owkalamak
59. Dyz bognuny owkalamak
60. Wakumly owkalamak
61. Banka bilen owkalamak
62. Stounoterapiýa arka
63. Stounoterapiýa bile
64. Stounoterapiýa ellere
65. Stounoterapiýa aýaklara
66. Ýüzi arassalamak
67. Ýüz-boýun owkalamak
68. Fitobejergi (derman otlaryň şiresi, derman otlaryň suwy, derman otly çaý)

Çeşme: saglykhm.gov.tm

«Daşoguz» şypahanasy

“Arçman” şypahanasy

Baýramaly şypahanasy

“Mollagara” şypahanasy

 

Farap şypahanasy

 

“Ýyly suw” şypahanasy

 

«Awaza» şypahanasy: Deňziň şypaly mekany

 

Вызовите проститутку в Пензе и ощутите всю страсть и нежность ее прикосновений.