Hormatly Prezidentimiz Türkmenistanyň Keselleriň ýaýramagyna garşy göreşmek boýunça adatdan daşary toparyň başlygy, saglygy goraýyş we derman senagaty ministri Nurmuhammet Amannesepow bilen iş maslahatyny geçirdi.
Iş maslahatynda ýokanç keselleriň ýaýramagyna garşy göreşmek boýunça ýurdumyzda amala aşyrylýan toplumlaýyn çäreler barada hasabatlar berildi. Saglygy goraýyş we derman senagaty ministri Nurmuhammet Amannesepow bu ugurda alnyp barylýan işler barada hormatly Prezidentimize hasabat berip, döredilen giň mümkinçilikleriň netijesinde, ýokanç keselleriň öňüni almak boýunça epidemiologik gözegçilik işiniň ýola goýlandygyny aýtdy.
ADATDAN DAŞARY TOPARYŇ 71 MEJLISI GEÇIRILDI
Ýiti öýken sowuklama keseliniň dünýäde dörän ilkinji gününden başlap, Türkmenistan bu howpa garşy hereket etmek üçin zerur çäreleri iş ýüzünde amala aşyrmaga girişdi. Ýurdumyza ýokanç keselleriň getirilmeginiň we ýaýramagynyň öňüni almak maksady bilen toplumlaýyn işler amala aşyryldy.
Türkmenistanyň Saglygy goraýyş we derman senagaty ministrliginde dolandyryş merkezi, Türkmenabat şäherinde ýerli dolandyryş merkezi döredildi. Türkmenistanyň Keselleriň ýaýramagyna garşy Adatdan daşary toparyň netijeli işi ýola goýuldy. Şu wagta çenli bu toparyň 71 sany mejlisi geçirildi. Mejlislerde ilkinji wezipeleriň hatarynda ýiti ýokanç keseliniň ýurdumyzyň çäklerine getirilmeginiň we ýaýramagynyň öňüni almak hem-de ýokanç kesellere garşy göreşmek babatda zerur çäreler kesgitlendi. Şonuň bilen baglylykda möhüm kararlar we çözgütler kabul edildi.
3 HALKALAÝYN ÖŇÜNI ALYŞ ULGAMY GURALDY
Ýiti ýokanç keseliniň ýurdumyzyň getirilmeginiň we ýaýramagynyň öňüni almak üçin 3 halkalaýyn öňüni alyş ulgamy döredildi. Serhetýaka çäklerdäki etraplaryň arasynda gözegçilik nokatlary döredilip, ilatyň hereketine we saglyk ýagdaýyna gözegçilik amala aşyrylýar. Farap, Sarahs we Garabogaz serhet gözegçilik-geçiriş nokatlarynda karantin gözegçilik nokatlary guruldy. Döwlet serhetiniň Balkan welaýatynda Garabogaz, Serhetýaka, Türkmenbaşy we Etrek, Ahal welaýatynda Kaka we Sarahs, Mary welaýatynda Serhetabat, Lebap welaýatynda Ymamnazar we Farap geçiriş nokatlarynda ulaglar üçin zyýansyzlandyryş geçelgeleri, zyýansyzlandyryş dizenfeksiýa, zyýansyzlandyryş fumigasiýa desgalary guruldy.
DIKUÇARLARYŇ NOBATÇYLYGY ÝOLA GOÝULDY
Gaýragoýulmasyz ýagdaýlarda näsaglara saglygy goraýyş kömegini bermek, nusgalyklary barlaghana äkitmek üçin ýurdumyzdaky gözegçilik-geçiriş nokatlarynda dikuçarlaryň nobatçylygy ýola goýuldy. Geljekde Russiýa Federasiýasynyň Tatarystan Respublikasyndan lukmançylyk ulgamyna degişli dikuçarlary satyn almak göz öňünde tutulýar.
DAŞARY ÝURTDAKY RAÝATLARYMYZ ÝURDUMYZA GETIRILÝÄR
Daşary ýurtlarda bolup gelen raýatlaryň saglygyna gözegçilik etmek üçin Türkmenabat we Türkmenbaşy şäherlerinde hem-de Garabogaz şäherçesinde meýdan gospitallarynyň işi ýola goýuldy. Bu ýokanç keseliniň ýüze çykan ilkinji günleri epidemiologik ýagdaýy çylşyrymly bolan döwletlerde okaýan talyplarymyz we raýatlarymyz ýörite uçar arkaly ýurdumyza getirildi. Bu işler häzir hem dowam edýär.
10 MILLION DOLLARLYK DERMAN SERIŞDELERI SATYN ALYNDY
Ýiti ýokanç keseliniň ýurdumyzyň getirilmeginiň we ýaýramagynyň öňüni almak üçin hassahanalarymyz ýokary taýýarlykly iş düzgünine geçirildi. Ýokanç keselleri halkara ülňülerine laýyk gelýän polimeraz zynjyrly reaksiýasynyň barlagy arkaly anyklamak üçin ýurdumyz boýunça paýtagtymyzda we welaýatlarda barlaghanalar hereket edýär. Bu barlaghanalar Günorta Koreýa, Şweýsariýa, Germaniýa we Türkiýe döwletlerinden getirilen anyklaýyş serişdeleri bilen üpjün edildi. Derman serişdeleri we lukmançylyk maksatly önümler bilen ulgamlaýyn üpjün etmek üçin 10 million amerikan dollary möçberinde derman serişdeleri satyn alyndy we ýurdumyza getirilip bu keseliň öňüni almak maksatlary üçin ulanyldy. Bundan başga-da möwsümleýin dümew kesellerine garşy waksinanyň 240 müň dozasy ýurdumyza getirildi hem-de ilatymyzyň töwekgel toparlarynyň arasynda sanjym işleri geçirilýär.
Häzirki döwürde dünýä döwletlerinde koronawirus ýokanjynyň täze tapgyrynyň möwç alýan döwründe bu kesele garşy alnyp barylýan işleri mundan beýläk-de işjeňleşdirmek üçin ilatyň şahsy gigiýenanyň, agyz-burun örtügini dakynmagynyň, araçägi saklamagyň düzgünlerini pugta berjaý etmek üçin düşündiriş işleri yzygiderli geçirilýär.
Ýiti öýken sowuklama keseliniň çylşyrymly döwründe Owganystan Yslam Respublikasyna, Eýran Yslam Respublikasyna hem-de Russiýa Federasiýasyna derman serişdeleri we saglygy goraýyş maksatly serişdeler ynsanperwer kömegi hökmünde ugradyldy. Öz nobatynda Günorta Koreýa, Birleşen Arap Emirlikleri, Türkiýe, Ýaponiýa, Hytaý, Bahreýn Patyşalygyndan ýurdumyza iberilen derman we lukmançylyk hajatly enjamlar gelip gowuşdy we saglygy goraýyş maksatly serişdeler keseliň öňüni almak üçin ulanyldy.
Okap bilersiňiz
Jemi 25 Baýrak Size garaşýar: Bäsleşik dowam edýär
Wideo habara YouTube hasabymyzdan şu ýere basyp tomaşa edip bilersiňiz!
Ýörite uçar gatnawlary dowam edýär
Habarlary aňsat okamak üçin Täze Applikasiýa: Ata Watan Türkmenistan applikasiýany özüňiziň Android ulgamly mobil telefonyňyza ýükläň! Ýakyn wagtda IOS ulgamynda hem applikasyýamyz hereket edip başlar. Applikasiýany ýüklemek üçin aşakdaky suratyň üstüne basyň! Ýa-da Google Plaý-dan “Atavatan Turkmenistan” gözleg edip bilersiňiz.
