Moskwa şäheriniň «Dinamo», Almaty şäheriniň «Kaýrat» futbol toparlary şu günler türkmenistanly tälimçi Gurban Berdiýewiň hyzmatlary bilen gyzyklanýar. Toparlaryň ikisi hem ildeşimizi baş tälimçi wezipesinde görmek isleýär.
Munuň esasy sebäbi iki toparyň hem şol bir ýaryşyň — Ýewropa ligasynyň saýlama tapgyrynda şowsuzlyga uçramagydyr. Şu sebäpden hem olar häzirki baş tälimçileri bilen hoşlaşyp, bu wezipä türkmenistanly hünärmeni getirmegi isleýärler.
«Sport-Ekspress» we «Sport 24» neşirleriniň ýazmagyna görä, toparlar tälimçi bilen ilkinji gepleşikleri geçirdiler. Ýöne heniz olaryň ikisi hem bu işi gutarnykly jemläp bilenok.
Ildeşimiziň iň soňky gezek Kazanyň «Rubinine» tälim berendigini ýatladýarys.
Dünýäde bolup geçýän wakalardan habarly bolmak-bu döwrüň talaby!
