Dünýäniň dürli künjeklerinde 5G bolan isleg barha ýokarlanýar. Häzirki wagtda 5G bolan isleg geçen ýyl bilen deňeşdirilende ep-esli artdy. “Global Mobile Suppliers Association”-yň maglumat bermegine görä, häzirki wagtda 5G ulgamy dünýäniň 38 döwletinde elýeterli. Şu ýylyň iýul aýyna çenli 126 ýurtda we sebitde 392 operator 5G-e maýa goýýandyklaryny mälim edildi.
5G ösüş bazarynda birnäçe kompaniýa saldamly goşant goşýar. Şeýle-de bolsa, “Huawei”, “Ericsson” we “Nokia” kompaniýalary beýlekilerden tapawutlanýar.
“Ericsson”-yň resmi web sahypasyna görä, häzirki wagtda kompaniýanyň 100 sany 5G söwda şertnamasy bar. Mundan başga-da, “Nokia” güýçli ösüş depginini görkezip, dünýäde 50 sany 5G söwda şertnamasyna gol çekdi. Şertnama irki 5G operatorlarynyň köpüsini öz içine alýar we olaryň 16-sy häzirki wagtda ýola goýlandyr.