Gazagystan Respublikasy “Ýaşyl Gazagystan” atly milli maksatnamany durmuşa geçirmegi meýilleşdirýär.
Ýurduň Premýer-ministri Alihan Smailow bu taslamany durmuşa geçirmek boýunça birnäçe tabşyryklar berip, onuň howanyň hapalanmagynyň öňüni almak, suw çeşmelerini, tokaý hojalygyny we galyndylary dolandyrmak ulgamyny kämilleşdirmek ýaly ugurlaryň göz öňünde tutulýandygy bellenildi.
– Daşky gurşawy gowulandyrmak üçin indiki ýylyň 1-nji ýanwaryndan iri senagat kärhanalarynda zyňyndylary awtomatiki gözegçilikde saklamagyň zerurlygy baradaky düzgün güýje girýär. Bu çäre, her kärhananyň zyňyndylary barada çalt we ygtybarly maglumatlary almaga gönükdirilendir – bu zyňyndylaryň derejesi ýokarlanan halatynda gyssagly çäreleri gözegçilikde saklamaga we ulanmaga mümkinçilik berer – diýip, hökümet başlygy habar berdi.
Bu taslamanyň çäklerinde 5 ýylda 2 milliard düýp nahal oturmak meýilleşdirilýär. 2021-nji ýylda ýurtda 66 müň gektara 138 million düýp nahal oturdyldy.