Horwat Igor Tudor özara ylalaşyk esasynda Angliýanyň “Tottenhem” futbol klubynyň baş tälimçisi wezipesinden çekildi. Bu barada klubyň metbugat gullugy habar berdi.
Horwat tälimçiniň “Tottenhem” bilen iň soňky duşuşygy 22-nji martda boldy. Şonda Londonlylar Angliýanyň Premýer-ligasynyň (APL) 31-nji tapgyrynda “Nottingemden” (0:3) ýeňildiler.
“Tudoryň klubdan gidýändigi barada özara ylalaşyga gelendigimizi tassyklaýarys. Igora soňky alty hepde bäri bitiren işleri üçin minnetdarlyk bildirýäris” diýlip, beýanatda aýdylýar.
Tudor iňlis klubuna 2026-njy ýylyň 14-nji fewralynda bellenipdi we bary-ýogy 44 gün işledi. Onuň ýolbaşçylygynda topar ýedi oýun geçirip, şolarda bir ýeňiş gazandy, bir gezek deňme-deň oýnady we bäş gezek ýeňildi.
Häzirki wagtda “Tottenhem” Angliýanyň çempionatynda 31 oýunda 30 utuk bilen 17-nji orunda durýar.