Paýtagtymyz Aşgabatda sportuň milli we guşakly alyş göreşi boýunça halkara ýaryş geçirildi. Dünýäniň ençeme ýurdundan türgenleriň gatnaşan bu halkara ýaryşynda Azerbaýjanyň türgenleri 3 medal gazandy. Bu barada Azerbaýjanyň Türkmenistandaky ilçihanasy habar berýär.
Aşgabatdaky halkara ýaryş 2024-nji ýylyň maýynda GDA-nyň Hökümet Baştutanlarynyň Geňeşiniň mejlisinde Aşgabadyň «Arkalaşygyň täze sport mümkinçilikleriniň şäheri» diýlip yglan edilmegine bagyşlanan çäreleriň maksatnamasynyň çäklerinde geçirildi.
Azerbaýjanyň türgenleri ýaryşyň “A” kategoriýasynda bäsleşip, bir kümüş we 2 bürünç medal gazandylar.
Azerbaýjanly türgenlerden Ariz Hüseýnow 68 kg agramda üçünji bolup, bürünç medalyň eýesi boldy. Şeýle hem ol 70kg agramda-da çykyş edip, bu gezek 2-nji orny eýeledi.
Alyş göreşi boýunça Fidan Höseýnowa 60 kg agramda çykyş edip, bürünç medal gazandy.
Aşgabatdaky ýaryşa 14 döwletden 170-dan gowrak türgeniň gatnaşandygyny bellemek gerek.