13-nji fewraldan 14-nji fewrala geçen gije “Superboul-2022” ýaryşynyň ýeňijisi mälim boldy. Bu duşuşykda “Sinsinnati” bilen “Los-Anželes Rems” toparlary duşuşdy.
“Los-Anželes” topary duşuşykda 23:20 hasabynda ýeňiş gazanyp, 23 ýyldan soňra “Superboul” ýaryşynda ýeňiji bolmagy başardy. Topar mundan ozal, 1999-njy ýylda “Superboul” ýaryşynda ýeňiji bolupdy.
“Sinsinnati” topary bolsa, 3-nji gezke final duşuşygynda ýeňlişe sezewar boldy.
Bu “Superboul” ýaryşy 2 ýyl mundan ozalky derejesinde geçirildi. Stadiondaky duşuşygy tomaşa etmek üçin iň köp möçberde janköýer gatnaşdyryldy. Ozalky final duşuşyklary koronawirus ýokanjy sebäpli çäklendirilipdi.
“Los-Anželes Rems” toparynyň baş tälimçisi Şon Makweý “Superboul” ýaryşynda ýeňiji bolan toparyň iň ýaş tälimçisi hökmünde taryha girdi.
28 ýaşyndaky “Los-Anželes Rems” toparynyň oýunçysy Kuper Kupp duşuşygyň “Iň gymmatly türgeni” hasaplandy.
ABŞ-nyň NBC teleýaýlymynyň göni ýaýlymynda görkezilen oýnuň arakesmesinde Eminem, Dre, Snoop Dogg, 50 Cent, Mary J. Blige, Kendrick Lamar, Sean Forbes и Warren Snipe ýaly sungat ussatlary çykyş etdiler.