Ispaniýanyň “Barselona” topary 21 ýyldan soňra UEFA-nyň Çempionlar ligasynyň 1/8 finalyna çykyp bilmedi. Golaýda Hawini tälimçi bellän “Barselona” topary Germaniýanyň “Bawariýa” toparyndan 3:0 hasabynda ýeňildi.
Kattalon topary 7 utuk toplap, toparçada 3-nji orny eýeledi. Bu toparçada Germaniýanyň “Bawariýa” bilen Portugaliýanyň “Benfika” topary 1/8 finala çykdy. “Benfika” topary Çempionlar ligasynyň 6-njy tapgyrynda “Dinamo” toparyny 2:0 hasabynda utdy.
Şeýlelikde, “Barselona” topary 21 ýyldan soňra 1/8 finala çykyp bilmedi. 2000/01-nji möwsümde “Barselona” topary üçünji orny eýeläp, “Milan” we “Lids” toparyndan yzda galypdy.
Şonda “Barselona” topary UEFA-nyň Kubogynda çykyş edip, ýarym finalda Angliýanyň “Liwerpul” toparyndan utulypdy.