Ispaniýanyň Superkubogyny gazanmak ugrundaky ýaryşyň çäklerinde “Barselona” topary “Osasuna” toparyny 2:0 hasabynda utup, finala çykdy.
14-nji ýanwar ýekşenbe güni gije 24:00-da başlaýan duşuşykda “El-Klasiko” – “Real Madrid” bilen “Barselona” duşuşar.
14 gezek Ispaniýanyň Superkubogyny gazanan “Barselona” topary geçen ýyl finalda ýene-de “Real Madrid” toparyny 3:1 hasabynda utupdy.
Ispaniýanyň şa kluby “Real” 12 gezek ýurduň Naýbaşy kubogynyň eýesi boldy.
Ispaniýanyň Superkubogynyň düzgüni 2020-nji ýylda üýtgedildi. Adatça, bu kubok üçin ýurduň çempiony bilen Şa kubogyny gazanan toparlaryň arasynda geçirilýärdi.
Ýöne täze düzgüne görä, bu ýaryşa 4 topar gatnaşdyrylýar. Olar Ispaniýanyň çempionatynyň çempiony, çempionatda ikinji orny eýelän topar hem-de Şa kubogynyň finalynda oýnan toparlardyr.
Gazanylan ylalaşyga görä, Superkubok ýaryşyna gatnaşan “Barsleona” we “Real Madrid” toparlaryna 2.8 million ýewro, “Atletiko Madrid” toparyna 1.7 million ýewro, “Osasuna” toparyna 750 müň ýewro tölendi.
Şeýle hem finala çykan toparlara goşmaça 1 million ýewro, kubogy gazanan topara bolsa, 2 million ýewro göçmaça töleg tölenýär.