Koronawirus we çip ýetmezçiligi sebäpli kyn günleri başdan geçiren smartfon pudagy, 2022-nji ýyla umyt baglaýar. Hususan-da, çip ýetmezçiliginiň azalmagy bilen ýakyn aýlarda täze telefonlaryň peýda bolmagyna garaşylýar.
Hünärmenler “Google” gözleg netijelerini seljerip, 2022-nji ýylda iň köp garaşylýan smartfonlaryň sanawyny düzdi
Iň köp garaşylýan telefon: “iPHONE 14”
“Apple” kompaniýasynyň öňümizdäki sentýabr aýynda hödürlemegi göz öňünde tutulan “iPhone 14” modeli 1,1 million gezek gözlenip, ýylyň iň köp garaşylýan telefony boldy.
Ikinji ýerde 518 müň gezek gözlenilen we ýakyn günlerde hödürlenjek “Samsung Galaxy S22” smartfony bar.
Şeýle hem 2022-nji ýylyň iň köp gyzyklanma bildirilen üçünji smartfony, 285 müň 470 gezek maglumatlary gözlenilen “iPhone SE 3” smartfony boldy.
Hytaý markalarynyň modelleriniň arasynda öňdebaryjy bolan “Vivo V23” 195 müň 700 gezek gözlendi. Mundan başga-da, “Xiaomi 12” smartfony hem köpleriň ünsüni özüne çekýär.
05-nji fewral ýyldyzlar näme diýýär? Gündelik Täleýnama