Şu gün Russiýa Federasiýasy bilen Gyrgyz Respublikasynyň arasynda yzygiderli ýolagçy otly gatnawlary ýola goýulýar. Bu barada “Gyrgyz demirýollary” döwlet kärhanasy habar berýär.
Hepdede bir gezek Bişkek-Kazan-Bişkek arasynda ýolagçy otly gatnawlary amala aşyrylar. 8-nji iýundan başlap, Gyrgyzystanyň paýtagtyndan Samara, 9-njy iýundan Nowosibirsk şäherlerine gatnawlar amala aşyrylyp başlanar.
bu gatnawdan peýdalanýan ýolagçylardan soňky 48 sagadyň dowamynda COVID-19 barlagyndan geçendigini tassyklaýan resminamasy talap ediler.
Iki ýurduň arasyndaky yzygiderli ýolagçy otly gatnawlary 2020-nji ýylyň baharynda koronawirus pandemiýasy sebäpli ýatyrylypdy.