Türkmenistanyň çägi arkaly Ýewropanyň, Aziýanyň we Amerikanyň 17 döwletinden 400-den gowrak adamyny Eýrandan öz ýurduna ibermek meýilleşdirilýär diýip, Halkara habarlar merkezi habar berýär.
Üstaşyr geçýän ýolagçylaryň iň köp bölegini Hytaýyň raýatlary düzýär – 211 adam. Soňky üç gije-gündiziň dowamynda Russiýanyň, ABŞ-nyň, Kanadanyň, Saud Arabystanynyň, Şwesiýanyň we Merkezi Aziýanyň birnäçe ýurtlarynyň 150-ä golaý raýaty serhetden geçdi.
Türkmen tarapy gelýänleri doly ugratmak we goldamak hyzmatlaryny üpjün edýär. Aşgabatda myhmanhanalarda ýerleşdirmek, iýmit we barjak ýerlerine çenli ulag üpjünçiligi guraldy.
Mundan ozal, Türkmenistan daşary ýurt raýatlaryny Eýrandan özýurduna dolanmagy üçin bäş sany ynsanperwer geçelgäni açypdy. Olar «Artyk – Lýutfabat», «Howdan – Bajygyran», «Akýaýla – Inçeburun», «Altyn Asyr – Inçeburun» we «Sarahs» gözegçilik-geçiriş nokatlarynda hereket edýärler.