DÜNÝÄ

120 gün suwuň aşagynda ýaşap, rekord goýdy

Germaniýaly aerokosmos inženeri Rudiger Koh 120 gün suwuň aşagynda ýaşap, dünýä rekordyny goýdy.

Ol Karib deňziniň 11 metr çuňlugynda ýörite kapsulada ýaşady we bu kapsula bir adamyň gündelik durmuşynda zerur bolan zerurlyklar bilen üpjün edildi. 30 inedördül metr meýdany bolan kapsaulada ýatmak üçin ýatak, telewizor, kompýuter, internet we sport maşklary üçin enjam oturdyldy.

Germaniýaly inženeriň gündelik durmuşy 4 sany oturdylan kamera arkaly hasaba alyndy.

Ginnesiň rekordlar kitabynyň emini Susana Reýes Rudiger Kohuň mundan ozal amerikaly Jozef Diturä degişli bolan rekordy täzeländigini habar berdi. Amerikaly raýat suwasty öýde 100 gün galypdy.

Kapsulada germaniýaly inženere gündelik nahar hem-de onuň ýanyna zerurlyk bolanda degişli adamlaryň we lukmanyň barmagy üçin şert döredildi.

Kapsulanyň elektrik üpjünçiligi Gün panelleri arkaly amala aşyryldy. Şeýle hem ätiýaçdan generator oturdyldy.

Ýene-de okaň

Türkmenistan bilen ÝB-niň arasynda adam hukuklary boýunça nobatdaky dialog geçirildi

Szinpin: Hytaý Merkezi Aziýa ýurtlaryna goldaw berer

Türkmenistan bilen Gondurasyň arasynda diplomatik gatnaşyklar ýola goýuldy

Gazagystan Hytaýa 1,5 müň sany saýgak sowgat eder

Türkmenistanyň wekiliýeti  Azerbaýjanda halkara maslahata gatnaşdy

Szinpiniň Astana sapary: 24 resminama gol çekildi