SYÝAHATÇYLYK WE SAGLYK

11 konteýnerden gurlan öý

Amerikanyň Birleşen Ştatlarynyň Hýuston şäherinde ýaşaýan Wil Brouksyň hyýallarynda göterip gezen, ahyrynda-da bina eden öýi beýleki öýlere çalymdaş däl. Ol biraz täsin, ýagny 11 sany konteýnerden bina bolan öý. Ol häzir bu täsin üç gatly binada ýaşaýar.

Dünýäniň dört künjüni gezen syýahatçy, aslynda, geljekki öýüni bu görnüşde göz öňüne getirmeýärdi. Ýöne Taýlanda eden gezelenjinde şeýle öýleriň birine gabat geldi we şol pursatdan başlap, «konteýner» öýüň arzuwynda ýaşady.

Günlerde bir günem ol öýüniň «gurluşygyna girişdi». Munuň üçin ol ilki konteýnerler arkaly nädip öý gurup boljakdygyny kemsiz öwrendi. Soňundan bolsa şeýle öýleriň gurluşygynda tejribe toplan kompaniýalaryň biri bilen şertnama baglaşdy.

Ýöne kompaniýa oňa hyýallaryndaky ýaly taslamany hödürläp bilmeýär, soň işe Wiliň özi girişmeli bolýar.

Ol näme üçin konteýnerden öý gurmagy saýlap aldy? Bu sowala Brouksyň özi şeýle jogap berýär:

― Şeýle öýler örän ygtybarly. Olar ýangyna hem çydamly, üstesine ömri uzyn, tebigy hadysalara durnukly. Täsin dizaýn bolsa hemişe özüne çekýär.

Häzir Wil Brouks 230 inedördül metr meýdany tutýan täsin öýünde ýaşaýar.

Ýene-de okaň

Raýat awiasiýasynda uçuşlaryň howpsuzlygyny üpjün etmegiň Döwlet maksatnamasy tassyklanyldy

Türkmenistanyñ syýahatçylyk agentlikleriniñ wekilleri Türkiýä saparlarynda antalýa baryp gördüler

“Pekin – Duşenbe” ugry boýunça ilkinji gatnawyny ýola goýdy

BSGG Ýewropada howa we saglyk boýunça täze komissiýa döretdi

Aşgabadyň Halkara howa menzili multimediýa ulgamyndan peýdalanmaga çagyrýar

«Galkynyş» topary Awazada dynç aldy