Şu ýylyň 6-15-nji iýuly aralygynda Kazan-Moskwa ugry boýunça “Ýüpek ýoly-2023” atly halkara awtorallisi geçiriler. Üstümizdäki ýyl bu ralli ýaryşyna islendik döwletiň türgenleriniň gatnaşyp biljekdigi mälim edildi. bu barada “Ýüpek ýoly” awtorallisiniň guramaçysy Wladimir Çagin belledi.
– Biz ähli döwletlerden türgenlere garaşýarys. Geliň, gatnaşyň, biz gaty hoşal bolarys we myhmansöýerlik bilen garşy alarys. Häzirki wagtda ýüz tutmalayr kabul edip başladyk, gatnaşyjylar bilen gepleşikler geçirýäris. Hemmelere garaşýarys – diýip, Çagin mälim etdi.
6-15-nji iýul aralygynda geçiriljek bu awtorallisi Russiýa Federasiýasynyň 13 subýektiniň üstünden geçer.
– Ilkinji gezek, bu ralli ýaryşyna Ural daglarynyň owadan we ajaýyp sebitleri goşuldy. Olar – Orenbugr we Çelýabinsk oblastlarydyr. Şeýlelikde, rus we daşary ýurtly türgenlere Russiýanyň ajaýyp künjekleri bilen tanyşmaga mümkinçilik bereris. bu hem taslamanyň esasy wezipeleriniň biridir – diýip, guramaçy belledi.
“Ýüpek ýoly” awtorallisi – awtosport ýaryşy bolup, 2009-njy ýyldan bäri geçirilýär. Bu awtoralli Russiýanyň, Hytaýyň, Türkmenistanyň, Mongoliýanyň, Gazagystanyň çäklerinde geçirildi.
2022-nji ýyldaky awtoralli imperator Pýotr I doglan gününe bagyşlanyp geçirildi we oňa 20 döwletden 80 türgen gatnaşdy.