Şu gün Täjigistanyň paýtagty Duşanbe şäherinde Ýol welosport boýunça Aziýa çempionatyna badalga berilýär. Oňa Aziýa yklymyndan köp sanly türgenler gatnaşýar.
Aziýa çempionaty 29-njy marta çenli dowam eder. Ol tomusky Aziýa oýunlary üçin möhüm tapgyr bolup durýar. Tomusky Aziýa oýunlarynyň şu ýyl Hytaýda geçirilmegine garaşylýar.
Täjigistanyň Milli Olimpiýa komitetiniň habar bermegine görä, 6 gün dowam edýän ýaryşlaryň çäklerinde Aziýa Welosport Konfederasiýasynyň mejlisi hem geçiriler.
Bu çempionata 27 döwletden 428 türgen gatnaşýar. Türgenler 3 kategoriýa bölünýär: 19 ýaşdan 23 ýaşa çenli, uly ýaşly türgenler we mümkinçilikleri çäkli türgenler.
Umuman alanyňda, ýaryş 6 ugur boýunça erkekler we aýallaryň arasynda geçiriler.
Abramowiç türk toparyny satyn almaga gyzyklanma bildirýär