Öňdebaryjy çempionatlarda geçen tapgyrda örän gyzykly duşuşyklar. Bu tapgyrda käbir toparlar pes netije görkezen bolsalar, onda tälimçi bilen hem hoşlaşyp biljek pursatlary görüp bilerdik. Biz bolsa ýurdumyzyň futbol janköýerlerini, futbol çempionatlaryň merkezi duşuşyklaryň netijeleri bilen nobatdaky gezek tanyşdyrmagy makul bildik.
Angliýanyň “Premýer liga” çempionatyň merkezi duşuşyklaryň netijeleri:
“West Hem 1:3 Mançester Ýunaýted”
Tomaş Souçek 38’ Pogba 65’
Meýson Grinwud 68’
Markus Reşford 78’
Çempionlar ligasynyň geçen tapgyrynda öz meýdançasynda asgyn gelen “Mançester Ýunaýted” futbol topary, bu gezek myhmançylykda öz janköýerlerini begendirdi. Ilkinji ýarymda ýer eýeleri hasaba açdylar. Emma myhmanlar ruhdan düşmän, ikinji ýarymy üstünlikli başlap, oýuny ýeňiş bilen tamamladylar.
“Tottenhem 2:0 Arsenal”
Son Hin Min 13’
Keýn 45+1’
Turuwbaşdan oýun diýseň çekeleşikli başlady. Meýdançada Angliýanyň iki sany ägirt uly toparlary garşylaşdylar. Meşhur tälimçi Mourinýo bilen myhmançylyk edýän toparyň tälimçisi Arteta ýüzbe-ýüz geldiler. Oýnuň dowamynda “Arsenal” futbol topary garşydaşynyň derwezesinden gaýtmady diýsegem ýalňyş bolmaz. Emma “Tottenhem” futbol toparyň oýunçylary garşydaşyny çalt depginli geçirilen garşylaýyn hüjümleri bilen ýeňdi. Bu duşuşyk Son Hin Miniň geçiren owadan goly bilen hem ýatda galdy.
“Liwerpul 4:0 Wulwerhempton”
- M. Salah 24’
Weýnaldum 58’
Joa Matip 67’
- N. Semedo (Ö.d) 78’
Çempionatda ikinji orunda ýerleşen “Liwerpul” futbol topary, “Anfield Road” stadionynda çempionatyň merkezinde ýerleşen “Wulwerhempton” futbol topary bilen garşylaşdylar. Bu oýun gola baý boldy. Häzirki wagtda “Liwerpul” futbol topary deň utuk sany boýunça çempionatyň birinji, ikinji oruny “Tottenhem” futbol topary bilen paýlaşýarlar.
“Mançester Siti 2:0 Fulhem”
Rahim Sterling 5’
Kewin de Bruýne 56’ (P)
“Çelsi 3:1 Liids Ýunaýted”
Žiru 27’ Patrik Bamford 4’
Kurt Zuma 61’
Pulişiç 90+3’
Ispaniýanyň “La Liga” çempionatyň merkezi duşuşyklaryň netijeleri:
“Sewilýa 0:1 Real Madrid”
Ýassin Bono 55’ (Ö.d)
Ispaniýanyň Şa topary soňky wagtlarda kän bir netijeli oýun görkezip bilmeýär. Bu babatda hem toparyň prezidenti Florentino Peres , toparyň tälimçisini üýtgetmek barada hem pikirlenýärdi. Çempionlar ligasynda bolsa toparyň ýagdaýy örän kyn. Eger-de nobatdaky tapgyrda öz meýdançasynda “Borussiýa Mýunhengladba” futbol toparynda asgyn gelse, onda ýarym asyrda soň beýle netijäni görkezer, hem-de Zinedin Zidan hem eýeleýän wezipesini terk edip biler. Ýöne Zidan jogapkärli duşuşyklarda öz toparyny alyp çykýar. Bu babatda şu ýylda geçirilen “El-Klassiko” duşuşygyny hem ýatladyp bolar, şeýle hem “Sewilýa” toparyndan 3 utuk almagy muňa subutnama görkezýär.
“Kadis 2:1 Barselona”
Alwaro Himenes 8’ Pedro Alkala 57’ (Ö.d)
Alwaro Negredo 63’
Çempionatda geň galdyran duşuşyk diýip belläp bolar. Messili “Barselona” futbol topary myhmançylykda “Kadis” futbol toparyndan asgyn geldi. Duşuşykda “Barselona” futbol topary garşydaşyna 21 gezek urgy geçirip, olaryň 8-i howply boldy. Bu netije topara üstünlik getirip bilmedi. Geçen tapgyrlarda “Kadis” futbol topary myhmançylykda “Real Madrid” futbol toparyny ýeňedigini hem ýatladýarys.
“Atletiko Madrid 2:0 Walýadolid”
Tomas Lemar 56’
Markos Llorente 72’
“Atletik Bilbao 0:2 Selta”
Hugo Mallo 61’
Iago Aspas 78’
Italiýanyň “Seriýa A” çempionatyň merkezi duşuşyklaryň netijeleri:
“Ýuwentus 2:1 Torino”
Weston MakKenni 77’ Nikolas N’Kolu9’
Leonardo Bonuççi 89’
Italiýanyň çempionatynda “Derby della Mole” derbi oýny geçirildi. Myhmanlar 9-nji minutda hasaba açdylar. “Ýuwentus” futbol topary öz meýdançasynda bu derbide ýeňiş gazanmak üçin bar güýjüni orta goýdy. Soňky minutlarda kelle urgusyny geçiren Bonuççi, toparyna ýeňiş gazandyrdy.
“Kroton 0:4 Napoli”
Insine 31’
Lozano 58’
Diego Demme 76’
Petana 90+1’
“Sampdoria 1:2 Milan”
Albin Ekdal 82’ Kessie 45’ (P)
Samu Kastiliýeho 77’
Germaniýanyň “Bundesliga” çempionatyň merkezi duşuşyklaryň netijeleri:
“Bawariýa 3:3 RB Leýpsig”
Jamal Musiala 30’ Nkunku 19’
Müller 34’, 75’ Kluýwert 36’
Forsberg 48’
“Allianz Arena” stadionynda çempionatyň birinji orny eýeleýän “Bawariýa” futbol topary bilen üçünji orunda ýerleşen “Leýpsig” futbol toparlary garşylaşdylar. Oýun örän çekeleşikli geçdi. Gollar yzly-yzlydan geldiler. Netijede duşuşykda dostluk ýeňiş gazandy.
“Aýntraht Frankfurt 1:1 Borussiýa Dortmund”
Kamada 9’ Reýna 56’
“Şalke 0:3 Baýer Lewerkuzen”
Tiaw 10’ (Ö.d)
Baumgartlinger 67’
Patrik Şik 78’
Gündelik durmuşa degişli habarlary biz Durmuş sahypamyza ýerleşdirýäris.
