Futbol boýunça Ýewropa çempionatynda garaşylmadyk netije bolup geçdi. 1/8 final tapgyrynda Çehiýanyň milli ýygyndysy Ýewropanyň güýçli ýygyndylaryndan Niderlandlaryň ýygyndysyny 2:0 hasabynda utdy.
Duşuşygyň birinji ýarymy 0:0 hasabynda tamamlandy. Ikinji ýarymynda duşuşygyň 54-nji minutynda russiýaly emin Sergeý Karasewiň niderlandly goragçy De Ligte gyzyl kart görkezip, oýundan çykardy. Şondan soňra oýun düýpgöter üýtgedi. Çehiýalylar duşuşygyň 68-nji minutynda Tomaş Holeş hem-de 80-nji minutda Patrik Şikiň gollary bilen ýeňdi.
Şeýlelikde, Ýewropa çempionatynyň belki ilkinji garaşylmadyk netijesi bolup geçdi. Çehiýalylar 1/4 final tapgyryna çykdylar we bu final tapgyrynda Daniýanyň milli ýygyndysy bilen oýnarlar.