Ýaponiýanyň ozalky daşary işler ministri, häzirki wagtda Ministrler Kabinetiniň baş sekretary Ýesimasa Haýasi Ýaponiýanyň Liberal-demokratik partiýasynyň täze ýolbaşçysy wezipesine resmi taýdan dalaşgär boldy. Bu partiýanyň ýolbaşçylygyna saýlanýan dalaşgär şol bir wagtda ýurduň nobatdaky Premýer-ministri bolar.
Bu barada Haýasiniň özi geçiren metbugat ýygnagynda habar berdi. “Men Liberal-demokratik partiýasynyň täze ýolbaşçysy wezipesine dalaşgär bolmak kararyna geldim” – diýip belledi.
Haýasi bu ýokary döwlet wezipesine saýlanan halatynda partiýanyň we onuň agzalarynyň ynamyny gaznamak ugrunda tagalla etjekdigini belledi.
Haýasi 2021-nji ýylyň noýabryndan 2023-nji ýylyň sentýabry aralygynda Ýaponiýanyň daşary işler ministri wezipesini alyp bardy. Ol ýurduň häzirki Premýer-ministri Fumio Kisidanyň iň ýakyn egindeşleriniň biridir.