BIZNES

Ýapon banky bilen dürli taslamalar maslahatlaşyldy

Tokioda Türkmenistanyň daşary işler ministri Raşid Meredow bilen Halkara hyzmatdaşlyk boýunça ýapon bankynyň (JBIC) başlygy Nobumitsu Haýaşiniň arasynda duşuşyk geçirildi.

Duşuşykda taraplar hyzmatdaşlygyň ähli ugurlary boýunça türkmen-ýapon gatnaşyklarynyň okgunly ösüşine kanagatlanma bildirdi. Iki ýurduň ýolbaşçylarynyň arasyndaky işjeň we açyk dialogyň döwletara gatnaşyklaryň mundan beýläk-de pugtalanmagyna goşant goşýandygy bellenildi.

Söwda-ykdysady gatnaşyklara we ýapon kompaniýalarynyň Türkmenistanda ammiak we karbamid zawody, Türkmenabat şäherindäki kükürt kislotasy öndürýän zawod, Garabogaz şäherindäki karbamid zawody, Gyýanlydaky gazhimiýa toplumy, Owadandepedäki tebigy gazdna benzin öndürýän zawod  ýaly iri taslamalary durmuşa geçirmäge gatnaşmagyna aýratyn üns berildi.

Şeýle hem, Türkmenistanda durmuşa geçirilmegi meýilleşdirilýän gazhimiýa, ulag we oba hojalygyndaky ileri tutulýan bilelikdäki taslamalar barada konstruktiw pikir alyşma geçirildi.

Ýene-de okaň

Türkmenistanyň Azyk senagaty döwlet birleşiginiň başlygy täzelendi

2025-nji ýylda Türkmenistanda 76 milliarddan gowrak tebigy gaz öndürildi

Türkmenistan Eswatini Patyşalygyna SIM-kart we LED çyra eskport eder

«Türkmenhimiýa» döwlet konsernine täze ýolbaşçy bellenildi

Türkmenistan bilen Ýaponiýa ylmy tehnologiýa hyzmatdaşlygyny ösdürer

Türkmenistan nemes işewürler jemgyýetçiligi bilen duşuşyga gatnaşdy