Angliýanyň “Liwerpul” toparynyň ýarymgoragçysy Jorjinýo Weýnaldumyň Fransiýanyň “PSŽ” ýa-da Ispaniýanyň “Barselona” toparynyň birini saýlamagyna garaşylýardy. Ol hem Fransiýanyň “PSŽ” toparyny saýlady we 2024-nji ýyla çenli şertnama baglaşdy. Bu barada fransuz toparynyň metbugat gullugy habar berýär.
30 ýaşyndaky Weýnaldum 2020/21-nji möwsümde “Liwerpul” toparynyň düzüminde 51 duşuşykda çykyş edip, 3 gezek tapawutlandy. Ol bu toparyň düzüminde çykyş eden döwründe Çempionlar Ligasyny, 2019/20-nji ýylyň möwsümde Angliýanyň çempiony, toparlaryň dünýä çempionatyny we UEFA-nyň Superkubogyny gazandy.
Weýnaldum ozal, Niderlandlaryň “Feýenord”, “PSW” hem-de Angliýanyň “Nýukasl” toparlarynda çykyş edipdi.