Wengriýanyň Mejlisi maşgala işleri, ýaşlar we halkara gatnaşyklar ministrini Katalin Nowagy ýurduň täze prezidenti wezipesine saýlady. Katalin Nowak ýokary döwlet wezipesine saýlanan ilkinji zenan boldy.
Wengriýanyň milli geňeşiniň (parlamenti) deputatlarynyň 137-si Katalin nowak üçin ses berdi. Parlamentde 199 deputat bar. Mejlisde ses berişlik ýurduň “M1” teleýaýlymynda göni ýaýlymda alnyp berildi.
44 ýaşyndaky Nowagyň saýlawda bäsdeşi 80 ýaşyndaky ykdysadyýetçi Peter Rona boldy.
Wengriýa Respublikasynyň Prezidenti Milli geňeş tarapyndan 5 ýyl möhlet bilen saýlanýar. 2012-nji ýyldan bäri, ýurduň Prezidenti wezipesini Ýanoş Ader amala aşyrdy. Ol iki möhlete saýlandy.