Habib Nurmagomedow sport bilen hoşlaşansoň, UFC-niň iň köp wekilli guşagy eýesiz galdy. Ýöne ertir daňdan bu guşak täze eýesine gowşar.
Dünýä metbugatynda ýazylyşyna görä, ýeňil agramdaky çempionlygyň esasy dalaşgärleri «Bellatoryň» ozalky çempiony Maýkl Çendler bilen reýtingdäki orny barha beýgelýän pälwan Çarlz Oliweýradyr. Ýöne bu jübütiň tutluşygy jemgyýetçilik tarapyndan kän bir goldaw tapmady. Köpçülik çempionlyk guşagy ugrunda Dastin Porýe bilen Jastin Getžiniň göreşmeginiň tarapynda. Şeýle-de bolsa, gelnen karar başgaça boldy.