Ozal hem habar berşimiz ýaly, Türkmenistanyň Futbol federasiýasy milli çempionatyň 20-nji tapgryndan başlap, iň owadan gollaryň ses berlişigini guraýar.
Janköýerler islän goluna Federasiýanyň jemgyýetçilik torlaryndaky sahypasy arkaly ses berip bilerler.
«Tapgyryň iň owadan goly» atly ses berlişikde bu ada dalaşgärleriň arasynda Abdyresul Abdyýewiň («Merw»), Musa Nurnazarowyň («Şagadam»), Galabeg Jumamyradowyň («Köpetdag»), Röwşengeldi Halmämmedowyň («Altyn Asyr»), Elman Tagaýewiň («Ahal»), Perman Hallyýewiň («Merw») we Ilýa Tamurkiniň («Arkadag») geçiren gollary bar.
Iň köp ses alan futbolçy «Iň owadan gol» atly baýraga mynasyp bolar. Ses berlişik ertir gündiz sagat 14:00-da tamamlanar.
Futbol janköýerlerini şu salga girip, mynasyp gola ses bermäge çagyrýarys.