BIZNES

«Türkmennebit» döwlet konserniniň işgärleri üçin ýaşaýyş jaýy gurlar

Ministrler Kabinetiniň Başlygynyň orunbasary B.Amanow «Türkmennebit» döwlet konserniniň işgärleriniň ýaşaýyş-durmuş şertlerini mundan beýläk-de gowulandyrmak boýunça alnyp barylýan işler barada hasabat berdi.

Şunuň bilen baglylykda, konserniň işgärleri üçin Balkan welaýatynyň Türkmenbaşy şäherinde 4 sany 4 gatly, 40 öýli ýaşaýyş jaýyny gurmagyň göz öňünde tutulýandygy aýdyldy. «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasynda» bellenen wezipeleri üstünlikli ýerine ýetirmek maksady bilen, wise-premýer döwlet Baştutanymyzyň garamagyna degişli teklibi hödürledi.

Hormatly Prezidentimiz hasabaty diňläp, ýurdumyzda raýatlaryň ýaşaýyş-durmuş şertlerini has-da gowulandyrmak maksady bilen, döwrebap ýaşaýyş jaýlarynyň yzygiderli gurulýandygyny belledi. Arkadagly Gahryman Serdarymyz Balkan welaýatynyň Türkmenbaşy şäherinde «Türkmennebit» döwlet konserniniň işgärleri üçin ýaşaýyş jaýlaryny gurmak boýunça taýýarlanan teklibi goldap, wise-premýere degişli işleri geçirmegi tabşyrdy.

Ýene-de okaň

Lebap welaýatynda täze suw desgalary ulanmaga berildi

BAE kompaniýasy Türkmenistan bilen hyzmatdaşlyk etmäge gyzyklanýar

OGT-2025: Aşgabatda gatnaşyjylaryň we iş duşuşyklarynyň sany boýunça rekord goýdy

Balkanabat şäherinde Eýranyň eksport mümkinçilikleriniň sergisi guralar

“Türkmennebit” maýadarlary Hazarda taslamalary durmuşa geçirmäge we emeli aň ornaşdyrmaga çagyrýar

Türkmenistan Hytaýa 450 milliard kubmetr tebigy gaz eksport etdi