Futbol hünärmeni, 45 ýaşly Boris Borowik Türkmenistanyň zenanlar ýygyndy toparynyň baş tälimçisi wezipesine bellenildi.
Häzirki wagtda Türkmenistanyň Futbol federasiýasynda zähmet çekýän B.Borowik “Nisa”, “Gazçy”, Merw” hem-de “Aşgabat” toparlarynda, şeýle-de, Özbegistanyň futbol çempionatynyň wekilleri “Andijan” hem-de “Şurtan” toparlarynda çykyş etdi.
Türkmenistanyň futbol boýunça milli ýygyndy toparynda hem çykyş eden B.Borowik çykyş eden toparlary bilen Türkmenistanyň futbol çempionatynda birnäçe gezek baýrakly orunlara mynasyp boldy.