Türkmenistanyň Prezidenti Serdar Berdimuhamedow şu ýylyň noýabr aýynda Birleşen Arap Emirliklerinde saparda bolar. Bu barada “orient.tm” neşiri BAE-niň Türkmenistandaky ilçihanasynyň “Instagram” jemgyýetçilik toruna salgylanyp habar berýär.
BAE-niň Prezidenti Muhammed b’n Zayed al Nahaýanyň çakylygy boýunça Türkmenistanyň Prezidentiniň bu ýurda resmi sapary guralar. Bu saparyň guramaçylyk meseleleri Türkmenistanyň daşary işler ministriniň orunbasary Berdiniýaz Mätiýew bilen BAE-niň Türkmenistandaky Adatdan daşary we Doly ygtyýarly ilçisi Ahmed Al-Haý Al-Hameliniň arasynda geçirilen duşuşykda ara alnyp maslahatlaşyldy.
Türkmenistanyň Daşary işler ministrliginde geçirilen duşuşyga Türkmenistanyň Döwlet daşary ykdysady iş bankynyň dolandyryjy geňeşiniň başlygy Rahymberdi Jepbarow hem gatnaşdy.