Şu gün Türkmenistanyň Prezidenti Serdar Berdimuhamedow Birleşen Arap Emirlikleriniň energetika we infrastruktura ministri Suhaýl Al Mazruiny kabul etdi.
“Watan” habarlar gepleşiginde bellenilip geçilişi ýaly, ministr Suhaýl Al Mazruiny wagt tapyp kabul edendigi üçin Türkmenistanyň Prezidentine hoşallyk bildirip, Birleşen Arap Emirlikleriniň Prezidenti Şeýh Muhammed Bin Zaýed Al Nahaýýanyň mähirli salamyny ýetirdi hem-de Birleşen Arap Emirliklerine sapar bilen gelmek hakyndaky çakylygyny gowşurdy.
Duşuşygyň barşyndan ikitaraplaýyn gatnaşyklary mundan beýläk-de ösdürmegiň, şol sanda onuň möhüm ugry bolan energetika ulgamynda gatnaşyklary pugtalandyrmagyň geljekki ugurlary ara alnyp maslahatlaşyldy. Bu ulgam iki ýurduň ykdysadyýetleri üçin strategik ugur bolup durýar.
Duşuşykda BAE-niň işewür düzümleriniň Türkmenistanda amala aşyrylýan giň gerimli özgertmeler maksatnamalaryna hem-de düzümleýin taslamalara uly gyzyklanma bildirilýändigi bellenildi.
Türkmenistanyň Prezidenti Özbegistanda döwlet saparynda bolar