Russiýanyň Sankt-Peterburg şäherinde X Newa halkara ekologiýa kongresi geçirilýär. Onuň işine Türkmenistanyň Mejlisiniň başlygy Dünýägözel Gulmanowanyň ýolbaşçylygyndaky wekiliýet gatnaşýar.
Bu halkara we möhüm ähmiýet forumyň guramaçylary hökmünde Russiýanyň hökümeti, Federasiýa Geňeşi, GDA gatnaşyjy döwletleriň Parlamentara Assambleýasy, Russiýanyň Tebigy serişdeler we ekologiýa ministrligi çykyş edýär.
Bu forumyň çäklerinde Türkmenistanyň Mejlisiniň başlygy Dünýägözel Gulmanowa Russiýanyň Federal ýygnagynyň Federasiýa Geňeşiniň Başlygy Walentina Matwiýenko bilen duşuşdy.
Walentina Matwiýenkonyň belleýşi ýaly, Russiýa bilen Türkmenistany däp bolan dostlukly we mähirli gatnaşyklar baglanyşdyrýar. Iki ýurduň arasynda syýasy, söwda-ykdysady, energetika we medeni-ynsanperwer ugurly gatnaşyklar yzygiderli ösdürilýär.
Federasiýa Geňeşiniň Başlygy şu ýylyň başynda Türkmenistanda parlament babatda düýpli özgerişlikleriň amala aşyrylandygyny belläp, iki ýurduň arasyndaky resminama-hukuk binýadyny pugtalandyrmagyň zerurdygyny nygtap, ikitaraplaýyn täze parlamentara ylalaşygyna gol çekişmegiň zerurdygyny belledi.
Matwiýenko 2022-nji ýylyň rus-türkmen parlament hyzmatdaşlygynda örän netijeli ýyl bolandygyny belläp, rus wekilçilikli toparynyň Russiýa-Merkezi Aziýa parlamentara forumyna we beýleki birnäçe möhüm forumlara gatnaşandygyny belledi.
Türkmenistanyň Mejlisiniň başlygy hem öz gezeginde Federasiýa Geňeşiniň Başlygyna X Newa halkara ekologiýa kongresi gatnaşmaga iberen çakylygy üçin minnetdarlyk bildirip, ikitaraplaýyn parlament hyzmatdaşlygyny ösdürmegiň zerurdygyny belledi.