Türkmenistanyň Türkiýe Respublikasyndaky Adatdan daşary we Doly ygtyýarly ilçisi Işanguly Amanlyyew halkara uniwersitet bolmak ugrunda möhüm ädimleri ädýän we dünýäniň köp ýurtlaryndan daşary ýurtly talyplara okamaga mümkinçilik berýän Bülent Ejewit uniwersitetine baryp gördi.
Türk metbugatyndaky habara görä, türkmen ilçisi bu saparynyň çäklerinde Bülent Ejewit uniwersitetiniň rektory Prof. Dr. Mustafa Çufaly bilen duşuşdy. Rektor ilçä türki döwletler bilen bir hatarda dünýäniň dürli ýurtlaryndan okamaga gelýän daşary ýurtly talyplara döredilýän giň mümkinçilikler barada maglumat berdi.
69 ýurtdan daşary ýurtly talyplary bir ýerde jemleýän bu ýokary okuw mekdebiniň köp medeniýetlilik ugruna uly ähmiýet berilýändigini bellän rektor dost we doganlyk ýurtlardan gelýän talyplara uly myhmansöýerlik bilen garaşýandyklaryny belledi.
Türkmen ilçisi bolsa öz gezeginde Türkmenistanyň we Türkiýäniň arasyndaky dostlukly gatnaşyklaryň ösdürilýändigini belledi.
Duşuşykda iki ýurduň arasyndaky gatnaşyklar hem-de bilim ulgamyndaky hyzmatdaşlyklar ara alnyp maslahatlaşyldy. Ilçi saparynyň çäklerinde Bülent Ejewit uniwersitetinde okaýan türkmen talyplary bilen hem duşuşdy.
Saýtymyzyň wideo habarlar sahypasy –geljekde iň işjeň sahypalaryň biri bolsa gerek. Häzirki döwürde bu sahypamyza birnäçe wideo rolik ýerleşdirilendir.
