Ýakynda tamamlanan ýurdumyzyň 28-nji futbol çempionatynda paýtagtymyzyň “Altyn Asyr” topary 7-nji çempionlygyny gazanmagy başarypdy. Çempionatyň gyzykly maglumatlaryny dykgatyňyza ýetirýäris. Bu barada ýurdumyzyň Futbol federasiýasynyň resmi internet saýtynda bellenilip geçilýär.
Çempionat barada sanlar we maglumatlar:
- “Altyn Asyr” geçiren duşuşyklarynda 73 utuk toplady.
- Çempionatyň jemi boýunça “Ahal” ikinji (55 utuk), “Şagadam” (47 utuk) bolsa üçünji orunlara mynasyp boldular. “Köpetdag” (41 utuk), “Aşgabat” (36 utuk), “Merw” 28 utuk), “Nebitçi” (24 utuk), “Energetik” (12 utuk) toparlary degişlilikde 4-nji, 5-nji, 6-njy, 7-nji, hem-de 8-nji orunlary eýelediler.
- Dört aýlawdan ybarat bolan futbol çempionatymyzda umumylykda 112 duşuşyk geçirilip, olarda 50 gezek ýer eýeleri ýeňiş gazanan bolsa, 20 duşuşyk deňlikde tamamlandy. Duşuşyklaryň 42-si bolsa myhmanlaryň peýdasyna boldy.
- Çempionatymyzyň ilkinji goluny “Ahalyň” oýunçysy Murat Ýakşiýew geçiren bolsa, onda jemleýji topy “Altyn Asyryň” hüjümçisi Mihail Titow öz adyna ýazdyrdy.
- M.Ýakşiýew birinji tapgyryň çäginde paýtagtymyzda toparynyň Balkanabadyň “Nebitçisi” bilen geçiren duşuşygynyň 22-nji minutynda hasaby açmagy başarypdy. Şol duşuşyk 3:0 hasabynda “Ahalyň” peýdasyna tamamlanypdy.
- M.Titow bolsa soňky, 28-nji tapgyryň çäginde toparynyň “Nebitçi” bilen geçiren duşuşygynyň 87-nji minutynda 11 metrlik jerime urgusyndan duşuşykdaky gutarnykly netijäni goýupdy. Şol duşuşykda “Altyn Asyr” 2:0 hasabynda üstün çykypdy.
- Ýurdumyzyň futbol çempionatymyzyň iki aýlawyň jemi boýunça derwezelere geçirilen 326 topuň 153-si çempionatyň birinji ýarymynda, 173-si bolsa ikinji ýarymynda hasaba alyndy.
- 326 goluň 38-si 11 metrlik urgulardan ybarat bolan bolsa, olaryň 144-si duşuşyklaryň birinji ýarymlarynda, 182-si bolsa ikinji ýarymlarynda derwezelere geçirildi.
- Futbol çempionatynyň dowamynda dürli toparlara wekilçilik edýän futbolçylaryň 100-si netijeli urgy geçirmegi başardy. Futbolçylaryň bäşisi bolsa topy öz derwezelerinden geçirdiler.
- Çempionatyň dowamynda oň köp gol geçiren oýunçylaryň sanawynda netijeli urgularyň 35-sini (5-si 11 m.u.) öz adyna ýazdyran Altymyrat Annadurdyýew öňdeligi eýeledi. Bu hüjümçiniň 2018-nji ýylda hem bu ugurda öňe saýlanandygyny bellemek gerek. Bu sanawda ilkinji bäşligi şu oýunçylar düzdüler: Yhlas Magtymow (16 top; 3-si 11 m.u.), Elman Tagaýew (16 top; 5-si 11 m.u.), Mihail Titow (13 top), Murat Ýakşiýew (11 top).
Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy
