Şu günler Gazagystanyň paýtagty Astana şäherinde sambo boýunça dünýä çempionaty geçirilýär. Oňa Türkmenistanyň sambo ýygyndysy hem gatnaşýar. Çempionatyň ilkinji gününde türkmen zenan türgenleri 2 bürünç medal gazandy.
Bu abraýly ýaryşa 80 döwletden 470 türgen gatnaşýar.
Ýaryşyň birinji gününiň jemleri boýunça söweş sambosy boýunça 54 kg agramda çykyş eden Zarina Abdyrahmanowa hem-de 72 kg agramda çykyş eden Gulzada Jorakulyýewa bürün medalyň eýeleri boldular.
Zenan türgenlerimiz bu üstünlige tälimçisi Dawud Nuryýewiň tälimçiliginde gazanmagy başardylar.
Mälim bolşy ýaly, sambo boýunça dünýä çempionatynda 31 medal toplumy ugrunda erkek we zenan türgenler sport sambosy hem-de söweş sambosy boýunça bäsleşýärler. Şeýle hem ýaryşda “SVI-1” toparyna degişli gözi görmeýän erkek türgenleriň arasynda ýaryşlar gurnalýar.